Mai aisi mohabbat karti hun

Sheereen bhi nahin , Laila bhi nahin
Main heeer nahin , Azra bhi nahin
Wo qissa hain afsanaa hain
Wo Geet hain’ prem tarana hain
Main zinda aik haqeeqat hun
Main jazba-e-ishq ki shiddat hun
Main tumko dekh k jeeti hun
Main har pal tum pe marti hun
MEIN AISI MOHABBAT KARTI HUN
TUM KESI MOHABBAT KARTEY HO..?!!!

Jab haath dua ko uthtay hain
Alfaaz kahin kho jatay hain
Bus dhyaan tumhara rehta hai
Aur ansoo behtay rehtey hain
Har khwab tumhara poora ho
Us RAB se minnat kerti hun
MEIN AISI MOHABBAT KARTI HUN
TUM KESI MOHABBAT KARTEY HO..?!!!

Mujhay thandak Raas nahin aati
Mujhay Barish se khauf aata hai
Per Jis din se maloom huaa
Ye mosum tumko bhaata hai
Ab jub bhi sawan aataa hai
Baarish mein bheegtii rehti hon ..!!
Qatroon mein tumhi ko dhoondti hun
Bondoon se tumhi ko pochtii hun
MEIN AISI MOHABBAT KARTI HUN..
TUM KESI MOHABBAT KARTEY HO..?!!!

Tum jab bhi ghar per aatay ho
Aur sub se baaten kertey ho
Main aot se Pardey ki janaa'n
Bus tumko dekhti rehti hun
Aik tumko dekhnay ki khaatir
Main kitni pagal hoti hun..!
MEIN AISI MOHABBAT KARTI HUN..
TUM KESI MOHABBAT KARTEY HO..?

MAIN zinda aik haqeeqat hun
Main jazba-e-ishq ki shiddat hun
Main tumko dekh k jeeti hun
Main her pal tum pe merti hon
MEIN AISI MOHABBAT KARTI HUN
TUM KESI MOHABBAT KARTEY HO..?!!!