Mai aisi mohabbat karta hun

Main aisi Mohabbat karta hoon..
Tum kesi Mohabbat karti ho?
Tum Jahan Pe baith k Jati ho..
Jis cheez ko haath lagati ho..
Main waheen pe betha rehta hoon..
...Us cheez ko choota rehta hoon..
Main aisi mohabbt karta hoon..


Tum jis se huns k milti ho..
Main us ko dost banata hoon..
Tum jis rustay par chalti ho..
Main us say aata jata hoon..
Main aisi Mohabbat karta hoon..
Tum kaisi mohabbat karti ho..??


Tum jin ko Dekhtii rehti ho...
Wo khuwab sarhanay rakhta hoon..
Tum say milnay julnay k..
Kitnay hi bahanay rakhta hoon..
Main aisi Mohabbat karta hoon..
Tum kaisi mohabbat karti ho..?!


Kuch khuwab saja kar aankhoon main..
PaLkon say moti chunta hoon..
Koi Lums agar choo jaaye to..
Main pehroon us ko sochta hoon..
Main aisi Mohabbat karta hoon..
Tum kaisi Mohabbat karti ho..?!


Jin logon main tum rehti ho..
Tum jin say batain karti ho..
Tum jin say huns k milti ho..
Jo tum ko achay lagtay hoon..
Wohi mujh ko achy lagtay hain..
Main aisi Mohabbat karta hoon..
Tum kaisi Mohabbat karti ho..?!


Jis baagh main subah ko jati ho..
Jis sabzay par tum chaLti ho..
Jo shakh tumhain choo jati hay..
Jo khushboo tum ko bhati hay..
Wo Oas tumharay chehray par..
Jo qatra qatra girti hai..
Wo titLi chor k phoolon ko..
Jo tum say milnay aati hai..
Jo tum ko choonay aati hay..
Un sab k nazuk jazbon main..
Meray diL ki dharkan basti hai..
Meri Rrooh bhi shamil rehti hai..
Tum paas raho ya door raho..
Nazron main samai rehti ho..
Main tum ko takta rehta hoon..
Main tum ko sochta rehta hoon..
Main aisi Mohabbat karta hoon..
Tum kaisi Mohabbat karti ho..?


Her Moqay par her manzar main..
Main sath tumharay rehta hoon..
Main Chashm-e-Tasavvur main aksar..
Bus tum ko dekhta rehta hoon..
Bus tum ko sochta rehta hoon..
Main aisi Mohabbat karta hoon..
Tum kaisi Mohabbat karti ho ..?!!