achcha nahi lagta

 

suno acha nahi lagta,

k koi dosra dekhay,

tumhari sharbati aankhain,

lab or rukhsaar or palkain,

siyah lambi ghani zulfain,

sanwaray dosra koi,

mujhay acha nahi lagta....

suno acha nahi lagta,

karay jab tazkara koi,

karay jab tabsara koi,

tumhari zaat ko khojay,

tumhari baat ko sochay,

mujhay acha nahi lagta.....

suno acha nahi lagta,

tumhari muskurahat par,

hazaron log martay hon,

tumhari ik aahat par,

hazaron dill dharaktay hon,

kisii ka tum pe yun marna,

mujhay acha nahi lagta....

suno acha nahi lagta,

hawa guzray tumhain choo kar,

na hota zabt ye mujhse,

karay koi tum se gustakhi,

tumhari zulfain bikhar jain,

tumharay lams pi jain,

mujhay acha nahi lagta,,,,,, 

suno acha nahi lagta,

k tum ko phool b dekhain,

tumharay pas se mehkain,

ya chanda ki guzarish ho,

k apni roshni bakhson,

rukh e janan koi dekhay,

mujhay acha nahi lagta............