tum agar sath hotey

Tum agar saath hote
Ye tanhaayian na hoti
Hume duniya mein ye
Ruswaayian na hoti.

Agar hum haath thaame
Saath saath chalte rahte
Zindagi ki rahon mein ye
Dushwaariyan na hoti.

Manzil ki khoj mein
Humsafar tum agar hote
Rahon mein kanto ki bhi
Hume koi shikaayat na hoti.

Din ke har ek lamha
Beete tumhare pehloo mein
Baithe kabhi saagar kinaare
Lahron se taal milaaye.

Pedon ki jhurmut mein
Titliyon se daud lagaaye
Chandni raaton mein
Taaron se aankh milaaye

Pure hote Khwaab ye saare
Tum agar hote saath humaare
Tum agar hote paas humaare
Tum agar hote saath humaare...