Be-Khuloos logo se



Be  khuloos logo se
Ijtinab karna hai.

mujhko apnay rishton ka
Ahtisab karna hai.

Kitni omer zeyan ki
usko yaad rakhnay mien

gham shuda asano mien
kuch hisaab karna hai.

yeh zameen hai mairii
iska qarz hai mujh per

is se ishq karna hai
Be hisaab karna hai.

usko bhool jana hai,
usko yaad rakhna hai

Dukh tu aik jaisa hai
Intikhab karna hai.

woh tu aik aanso se
mujh ko maat de de ga

usko mien ne baat.on se
Lajawaab karna hai

Koi aam sa chehra,
Koi shaam sii Aaankhien

mien ne apni gazlon ka
intisaab karna hai,,,