Hum apney dard

Hum Apnay Dard Lafzon Ki Zubani Rakh Nahi Saqtay,
Qalam Ki Nok Par Koi Kahani Rakh Nahi Saqtay,
Muhabbat Kar To Saqtay Hain, Humara Almiya Hai Yeh,
K Hum Tawan Mein Apni Jawani Rakh Nahi Saqtay,
Humara Ishq Bala Hai Tumhari Soch Ki Had Se,
Koi Kangan Koi Chori Nishani Rakh Nahi Saqtay,

Muhabbat Kainati Sach Hai, Yeh Tasleem Hai Laikin,
Zameen Zaday Hain, Jazbay Asmaani Rakh Nahi Saqtay,
Humein Toh Zard Rut Ne Qaid Kar Rakha Hai Kuch Aise,
Koi Umeed Ankhon Mein Suhaani Rakh Nahi Saqtay,
Chalo Kuch Phool Le Ayein Nayi Khuwaish K Mousam Se,
Naye Dalaan Mein Yaadein Purani Rakh Nahi Saqtay,
Para Hai Wasta, “Amjad” Muhabbat K Yazeedon Se,
Yahan Hum Apni Ankhon Mein Bhi Pani Rakh Nahi Saqtay..

˙·٠•●♥ Asif's Blog ♥●•٠·˙