Yun mere sabr ka

 

Yun mere sabr ka tu imtihaan na le,

Yun na reh khamosh mujhe koi to sadaa de'

Meri zindagi ka hai ek tujhise waasta,

Tere bagair use jeene ki tu yun na duaa de'

Tujhe chaaha hai maine apni saanso se badhkar,

Tu aa kareeb mere yun na aur faasle badha de'

Ye zamana ab mere saath nahi na sahi,

Par yun na kar ki tu mujhe apne zehen se mitaa de'

Meri aankhon ne ne yun to kayi khwaab dekhe hai,

Par tu koi khwaab nahi jise hum dekhe aur bhula de'

Maine bhi jalaya tha ek chiraag mohabbat ka,

Teri naarazgi ki hawaa me vo dam nahi ki vo aakar use bujha de'

Kaha kisine ki ye mohabbat bas chaar dino fasaana hai,

Magar meri dastan koi saahil par likhi ibaarat nahi jise ek leher aakar mita de…..!!!