Mohabbat rog hoti hai

 

 

Muhabbat Rog Hoti Hai Kaha Bhi Tha
Rula Ker Khod Bhi Roti Hai Kaha Bhi Tha
Kinaarey Ke Qareeb Lay Jaa Ker
Ye Kashti Ko Dobouti Hai Kaha Bhi Tha
Isay Tum Dil Ki Dharti Ka Pata Mat Do
Ye Is Mein Dard Boti Hai Kaha Bhi Tha
Muhabbat Mein Khushi Ke Baad Gham Ki Rut
Bohat Nazdeek Hoti Hai Kaha Bhi Tha
Loota Ker Dil Ko, Roney Sey Bhi Kya Haasil
Bohat Naayaab Moti Hai Kaha Bhi Tha
Azal Sey Is Ki Fitrat Hai Zamaaney Ko
Jaga Ker Khod Ye Soti Hai Kaha Bhi Tha
Ye Sar Say Paa'on Tak Bus Raakh Ker Dey gi
Bohat Bay Dard Hoti Hai Kaha Bhi Tha